ഉദുമ: ഫോൺ കൊടുക്കാത്തതിനുള്ള ദേഷ്യത്തിൽ ഭാര്യ ഭർത്താവിനെ കത്രികകൊണ്ട് കുത്തി. കൂടാതെ ഭാര്യയുടെ സഹോദരന്മാർ കടയിൽ കയറി തല്ലിയെന്നും യുവാവിന്റെ പരാതി. ഫോൺ കൊടുക്കാത്തതിനെച്ചൊല്ലി ഭാര്യ കൈയിലും വയറിലും കത്രിക കൊണ്ട് കുത്തുകയും പുറമേ തല്ലും കിട്ടിയെന്നുള്ള യുവാവിന്റെ പരാതിയിൽ ബേക്കൽ പോലീസ് കേസെടുത്തു.
തൃക്കണ്ണാടിനടുത്തുള്ള പരാതിക്കാരന്‍റെ അമ്മവീട്ടിൽ വെച്ചാണ് കത്രികക്കുത്തുണ്ടായതെന്നാണ് പരാതി. ഉദുമയ്ക്കടുത്താണ് ഇദ്ദേഹത്തിന്‍റെ കട. ഏപ്രിൽ 15-ന് നടന്ന സംഭവത്തിൽ ഭർത്താവിന്റെ പരാതിയിൽ ഭാര്യ അടക്കമുള്ളവർക്കെതിരെ ബേക്കൽ പോലീസ് കേസെടുത്തു.
