ധോൽപൂരിൽ: ഏഴ് വയസുകാരിയെ കുടുംബം വിവാഹം കഴിക്കാനായി മധ്യവയസ്‌കന് വിറ്റു. ഭൂപൽ സിങ് എന്ന മുപ്പത്തിയെട്ടുകാരനാണ് 4.50 ലക്ഷം രൂപ കൊണ്ടുത്ത് പെൺകുട്ടിയെ സ്വന്തമാക്കിയത്. രാജസ്ഥാനിലെ ധോൽപൂർ ജില്ലയിലെ മനിയയയിലാണ് ഈ ഞെട്ടിക്കുന്ന സംഭവം.
മെയ് 21-ന് ഇയാൾ പെൺകുട്ടിയെ വിവാഹം കഴിച്ചതായി പൊലീസ് പറയുന്നു. മധ്യപ്രദേശിലെ ഒരു കൊലപാതകക്കേസിൽ ജയിൽ ശിക്ഷ അനുഭവിച്ചതിന് ശേഷം പ്രതിയുടെ കുടുംബം ഗ്രാമത്തിൽ താമസമാക്കിയതെന്നാണ് പ്രാഥമിക അന്വേഷണത്തിൽ കണ്ടെത്തിയത്. ചൊവ്വാഴ്ചയാണ് സംഭവത്തെക്കുറിച്ച് വിവരം ലഭിച്ചതെന്നും സിങ്ങിന്റെ വീട്ടിൽ നടത്തിയ റെയ്ഡിൽ പെൺകുട്ടിയെ കണ്ടെത്തിയെന്നും മാനിയ ഡി.വൈ.എസ്.പി പറഞ്ഞു.
സംഭവത്തിൽ കേസ് രജിസ്റ്റർ ചെയ്തിട്ടുണ്ട്. ഏത്രയാളുകൾക്ക് സംഭവവുമായി ബന്ധമുണ്ടെന്ന് കണ്ടെത്തിയ ശേഷം കൂടുതൽ നടപടി സ്വീകരിക്കുമെന്ന് പൊലീസ് വ്യക്തമാക്കി.
