പാലക്കാട്: വാഹനാപകടത്തില് പരിക്കേറ്റയാളെ ആശുപത്രിയിലെത്തിച്ച സ്വകാര്യ ബസ് ജീവനക്കാര്ക്ക് കയ്യടി. പാലക്കാട് നെന്മാറ ഗോമതിയിലാണ് സംഭവം. പിക്കപ്പ് വാനും ബൈക്കും കൂട്ടിയിടിച്ചാണ് അപകടമുണ്ടായത്. അപകടമുണ്ടാക്കിയ പിക്കപ്പ് വാന് നിര്ത്താതെ പോവുകയായിരുന്നു. ബൈക്ക് യാത്രികരായ രണ്ട് പേര്ക്കും അപകടത്തില് ഗുരുതരമായി പരിക്കേറ്റു.
![](https://www.kottayammedia.com/wp-content/uploads/2023/10/achayans-gold-oct-23.jpg)
ഒരാളെ ആംബുലന്സില് ആശുപത്രിയിലേക്ക് കൊണ്ടുപോയി. രണ്ടാമത്തെയാളെ കൊണ്ടുപോകാന് വാഹനം കാത്തുനില്ക്കവെയാണ് രക്ഷകരായി സ്വകാര്യ ബസ് ജീവനക്കാരെത്തിയത്. ഗോവിന്ദപുരം-തൃശൂര് റൂട്ടിലോടുന്ന ലതഗൗതം ബസിലെ ജീവനക്കാരാണ് പരിക്കേറ്റയാളുമായി ആശുപത്രിയിലേക്ക് പാഞ്ഞത്.
![](https://www.kottayammedia.com/wp-content/uploads/2024/07/jaico-4-7-24.jpg)
ബസിലെ യാത്രക്കാരും പരിക്കേറ്റയാളെ ആശുപത്രിയിലെത്തിക്കുന്നതില് പൂര്ണമായി സഹകരിച്ചു. അപകടത്തില് പരിക്കേറ്റ രണ്ട് പേരും തൃശൂര് മെഡിക്കല് കോളേജ് ആശുപത്രിയില് ചികിത്സയിലാണ്. ഇരുവരുടെയും പരിക്ക് സാരമുള്ളതാണെന്ന് ആശുപത്രി അധികൃതര് അറിയിച്ചു.
![](https://kottayammedia.com/wp-content/uploads/2021/11/logo111.png)
![](https://kottayammedia.com/wp-content/uploads/2021/12/ad1.png)