തിരുവനന്തപുരം: തിരുവനന്തപുരം: ലോക്സഭാ തെരഞ്ഞെടുപ്പിന് മുന്നോടിയായി മുഖ്യമന്ത്രിയും മന്ത്രിമാരും നടത്തുന്ന നിയമസഭാ മണ്ഡലപര്യടനം കെഎസ്ആർടിസി ബസിൽ. പുതിയ ബസുകളില് ഒന്ന് രൂപമാറ്റം വരുത്തിയാകും ഉപയോഗിക്കുക. 25 പേര്ക്ക് യാത്ര ചെയ്യാവുന്ന തരത്തിലാവും ബസില് മാറ്റം വരുത്തുക. ബസ് സജ്ജമാക്കുന്ന ചുമതല ഗതാഗത മന്ത്രി ആന്റണി രാജുവിനാണ്.
മണ്ഡല പര്യടന പരിപാടിയുടെ ചെലവ് സര്ക്കാര് വഹിക്കില്ല. ചെലവിനുള്ള പണം സംഘാടക സമിതി കണ്ടെത്തണമെന്നാണ് മുഖ്യമന്ത്രിയുടെ നിര്ദേശം. പരിപാടിയുടെ പന്തല്, കസേര, ലഘുഭക്ഷണം എന്നീ ചെലവുകള്ക്ക് സ്പോണ്സര്ഷിപ്പിലൂടെ പണം കണ്ടെത്തണം. പ്രതിപക്ഷം പരിപാടിയില് പങ്കെടുക്കാന് സാധ്യതയില്ലെന്നും മുഖ്യമന്ത്രി മന്ത്രിസഭാ യോഗത്തില് തന്നെ പറഞ്ഞിരുന്നു. അത് ശരിവെച്ചുകൊണ്ട് മണ്ഡല സദസ് ബഹിഷ്കരിക്കാനാണ് പ്രതിപക്ഷ തീരുമാനം. കേരളീയം പരിപാടിയില് നിന്ന് പ്രതിപക്ഷം വിട്ടുനില്ക്കും. പരിപാടി രാഷ്ട്രീയ പ്രചാരണമാണെന്നാണ് യുഡിഎഫ് വിലയിരുത്തല്.