പൊന്‍കുന്നം: കാഞ്ഞിരപ്പള്ളി ജനറല്‍ ആശുപത്രിയിലെ 26 ജീവനക്കാര്‍ക്ക് കോവിഡ് സ്ഥിരീകരിച്ചു.അഞ്ച് ഡോക്ടര്‍മാര്‍ക്കും ആശുപത്രിയില്‍ ഡ്യൂട്ടിയിലുണ്ടായിരുന്ന ഒരു പൊലീസുകാരനും 20 ആശുപത്രി ജീവനക്കാര്‍ക്കുമാണ് രോഗം സ്ഥിരീകരിച്ചത്.ഈ മാസം 19 മുതലാണ് ജീവനക്കാരില്‍ രോഗബാധ കണ്ടുതുടങ്ങിയത്.കൂട്ടത്തോടെ രോഗബാധ സ്ഥിരീകരിച്ച സാഹചര്യത്തിലും താല്‍ക്കാലികമായി പകരക്കാരെ നിയമിച്ചിട്ടില്ല. ഇത് ആശുപത്രി പ്രവര്‍ത്തനത്തെ സാരമായി ബാധിക്കുമോയെന്ന ആശങ്കയുണ്ട്.
രോഗവ്യാപനം തടയുന്നതിനാവശ്യമായ മുന്‍കരുതലുകള്‍ സ്വീകരിക്കുകയും പ്രവര്‍ത്തനങ്ങള്‍ക്ക് തടസ്സമുണ്ടാകാതിരിക്കാന്‍ കൂടുതല്‍ ജീവനക്കാരെ നിയമിക്കുകയും ചെയ്യണമെന്ന ആവശ്യം ശക്തമാവുകയാണ്.ആന്‍റിജന്‍ ടെസ്റ്റ് കഴിഞ്ഞ ദിവസം മുതല്‍ ആശുപത്രിയില്‍ പുനഃസ്ഥാപിച്ചിരുന്നു.ഇതോടെ കോവിഡ് പരിശോധനക്ക് എത്തുന്നവരുടെ എണ്ണവും വര്‍ധിച്ചിട്ടുണ്ട്.
