കോട്ടയം; എൺപത്തിനാലുകാരനെ വീട്ടിൽക്കയറി കഴുത്തിന് വെട്ടി കഞ്ചാവ് മാഫിയ. കോട്ടയം കരികുളങ്ങരയിൽ ഓർമ്മശക്തിയില്ലാത്ത വൃദ്ധനെ വെട്ടിക്കൊല്ലാൻ ശ്രമിച്ചത് കഞ്ചാവ് മയക്കുമരുന്ന് സംഘത്തിലെ പ്രധാനി ലോജി ജയിംസാണ്നിരവധി ക്രിമിനൽ കേസുകളിലും സഹോദരന്റെ ഭാര്യയെ പീഡിപ്പിക്കാൻ ശ്രമിച്ച കേസടക്കമുള്ളവയിൽ പ്രതിയാണ് ഇയാൾ.
വിഷുദിനത്തിലുണ്ടായ വാക്ക് തർക്കത്തെത്തുടർന്നാണ് ലോജി എൺപത്തിനാലുകാരനായ വൃദ്ധനെ വീട്ടിൽക്കയറി വെട്ടുകയത്.
കരികുളങ്ങരഭാഗത്ത് ചിറയ്ക്കൽ കരോട്ട് കുട്ടപ്പനാണ് വെട്ടേറ്റത്. ഇയാൾ കോട്ടയം മെഡിക്കൽ കോളേജിൽ ചികിത്സയിലാണ്.സംഭവത്തിന് ശേഷം ഇനിയും ചിലരെ തട്ടുമെന്ന് ജോജി ഭീഷണി മുഴക്കിയിരുന്നതായി നാട്ടുകാർ പറഞ്ഞു.സംഭവത്തിൽ കേസെടുത്ത് വെസ്റ്റ് പൊലീസ് അന്വേഷണം ആരംഭിച്ചു. ലോജി സ്ഥിരം പ്രശ്നക്കാരനാണെന്നും, നിരവധി ക്രിമിനൽ കേസുകളിൽ പ്രതിയാണെന്നും ഇയാൾ ഉടൻ പിടിയിലാകുമെന്നും വെസ്റ്റ് എസ്എച്ച്ഒ അനൂപ് കൃഷ്ണയും എസ് ഐ ടി ശ്രീജിത്തും പറഞ്ഞു
