കൊച്ചി: രാഷ്ട്രപിതാവ് മഹാത്മാഗാന്ധിയെ അപമാനിച്ച എസ്എഫ്ഐ നേതാവിനെതിരെ കേസ്. ആലുവ എടത്തല ഭാരതമാത കോളജിലെ എസ്എഫ്ഐ യൂണിറ്റ് സെക്രട്ടറി അദീന് നാസറിനെതിരെയാണ് പരാതി. കെഎസ് യു സംസ്ഥാന ജനറല് സെക്രട്ടറി അല് അമീന് പരാതിയുടെ അടിസ്ഥാനത്തിലാണ് പൊലീസ് കേസെടുത്തിരിക്കുന്നത്.
കോളജിലെ മഹാത്മാഗാന്ധിയുടെ പ്രതിമയില് അദീന് കറുത്ത കണ്ണട ധരിപ്പിച്ചു എന്നാണ് പരാതി. എടത്തല പൊലീസിനാണ് പരാതി നല്കിയത്. പൊതുമധ്യമത്തില് രാഷ്ട്രപിതാവിനെ അവഹേളിച്ചതില് കര്ശന നടപടിയെടുക്കണമെന്നാണ് ആവശ്യം.