മാവേലിക്കരയില്‍ സുഹൃത്തുക്കൾ തമ്മിലുണ്ടായ വാക്കുതർക്കത്തിനിടെ യുവാവ് കുത്തേറ്റു മരിച്ചു.മുള്ളികുളങ്ങരയിൽ അൻപൊലി സ്ഥലത്തുണ്ടായ തര്‍ക്കത്തിനിടെ മാവേലിക്കര ഉമ്പർനാട് ചക്കാല കിഴക്കതിൽ സജേഷ് (37) ആണ് കൊല്ലപ്പെട്ടത്. സജേഷ് പെയിന്റിങ് തൊഴിലാളിയാണ്.
സജേഷിനെ കൊലപ്പെടുത്തിയ ഉമ്പർനാട് വിഷ്ണു ഭവനം വിനോദ് എന്ന വെട്ടുകത്തി വിനോദ് ഒളിവിലാണ്. തെക്കേക്കര പഞ്ചായത്ത് 19-ാം വാർഡിൽ അശ്വതി ജംഗ്‌ഷന് സമീപം വ്യാഴാഴ്ച രാത്രി 11.30നായിരുന്നു സംഭവം.
ഇടത് കൈയുടെ മസിലിൽ കുത്തേറ്റ സജേഷിനെ കോട്ടയം മെഡിക്കൽ കോളജ് ആശുപത്രിയിലേക്കു കൊണ്ടുപോകുന്ന വഴി രക്തം വാർന്നു മരിക്കുകയായിരുന്നു.വിനോദിനായി പോലീസ് അന്വേഷണം ഊർജിതമാക്കി.
