മംഗളൂരു: നവജാത ശിശുവിനെ പിതാവിന്റെ രണ്ടാം ഭാര്യ പാലിൽ വിഷം കലർത്തി നൽകി കൊന്നതായി പരാതി. സംഭവത്തിൽ സിദ്ധപ്പയുടെ രണ്ടാം ഭാര്യ ദേവമ്മയെ(41) പൊലീസ് അറസ്റ്റ് ചെയ്തു. യഡ്ഗിരി ബാബല ഗ്രാമത്തിൽ സിദ്ധപ്പ-ശ്രീദേവി ദമ്പതികളുടെ അഞ്ചു മാസം പ്രായമുള്ള മകൾ സംഗീതയാണ് കൊല്ലപ്പെട്ടത്.
ശ്രീദേവിയിൽ മക്കൾ ഉണ്ടാവാത്തതിനാലാണ് സിദ്ധപ്പ മറ്റൊരു വിവാഹം ചെയ്തതെന്ന് പോലീസ് പറഞ്ഞു.ആ ദാമ്പത്യത്തിൽ നാല് മക്കൾ പിറന്നു. ശ്രീദേവി കുഞ്ഞിന് ജന്മം നൽകിയതോടെ സ്വത്തിന് അവകാശിയാവുന്നത് തടയാനാണ് ക്രൂരകൃത്യം ചെയ്തത്.
