തിരുവനന്തപുരം: കാര്യവട്ടം ട്വൻറി20യിൽ ഇന്ത്യയ്ക്ക് തകർപ്പൻ ജയം. ക്ഷിണാഫ്രിക്ക ഉയര്ത്തിയ 107 റണ്സ് വിജയലക്ഷ്യത്തിന് മുന്നില് തുടക്കത്തിലെ ക്യാപ്റ്റന് രോഹിത് ശര്മയെയും വിരാട് കോലിയെും നഷ്ടമായി പതറിയെങ്കിലും അപരാജിത അര്ധസെഞ്ചുറികളുമായി കെ എല് രാഹുലും സൂര്യകുമാര് യാദവു ചേര്ന്ന് ഇന്ത്യയെ വിജയത്തിലേക്ക് നയിച്ചു.പരമ്പരയിലെ ആദ്യ മത്സരത്തിൽ ദക്ഷിണാഫ്രിക്കയെ എട്ടു വിക്കറ്റിന് തോൽപ്പിച്ചു. കെ എൻ രാഹുലും സൂര്യകുമാർ യാദവും അർദ്ധ സെഞ്ച്വറി നേടി.
കാര്യവട്ടം ഗ്രീന്ഫീല്ഡ് സ്റ്റേഡിയത്തില് റണ്മഴ പ്രതീക്ഷിച്ചെത്തിയ കാണികള് നിരാശരായെങ്കിലും ഇന്ത്യന് പേസര്മാരുടെ വിക്കറ്റ് മഴയും പിന്നീട് സൂര്യകുമാര് യാദവിന്റെ ബാറ്റിംഗ് വെടിക്കെട്ടും അവര്ക്ക് വിരുന്നൊരുക്കി. ദക്ഷിണാഫ്രിക്കന് ലക്ഷ്യത്തിലേക്ക് ബാറ്റുവീശിയ ഇന്ത്യക്ക് തുടക്കം എളുപ്പമായിരുന്നില്ല. പവര് പ്ലേയില് തന്നെ ക്യാപ്റ്റന് രോഹിത് ശര്മ(0) പൂജ്യനായി മടങ്ങി. പവര് പ്ലേയില് കെ എല് അമിത ജാഗ്രത പുലര്ത്തുകയും വിരാട് കോലിക്ക് നല്ല തുടക്കം കിട്ടാതാകുകയും ചെയ്തതോടെ ഇന്ത്യ പവര് പ്ലേയില് 17 റണ്സിലൊതുങ്ങി. പവര് പ്ലേയില് 25 പന്തും നേരിട്ടത് രാഹുലായിരുന്നു.
മൂന്നാം വിക്കറ്റില് മികച്ച കൂട്ടുകെട്ടുണ്ടാക്കിയ കെ.എല്.രാഹുലും സൂര്യകുമാര് യാദവും ചേര്ന്ന് ഇന്ത്യയെ വിജയതീരത്തെത്തിച്ചു. സൂര്യകുമാര് 50 റണ്സെടുത്തും രാഹുല് 51 റണ്സ് നേടിയും പുറത്താവാതെ നിന്നു. സ്കോര്: ദക്ഷിണാഫ്രിക്ക 20 ഓവറില് എട്ടിന് 106. ഇന്ത്യ 16.4 ഓവറില് രണ്ടിന് 110.
ആദ്യം ബാറ്റുചെയ്ത ദക്ഷിണാഫ്രിക്ക നിശ്ചിത ഓവറില് എട്ട് വിക്കറ്റ് നഷ്ടത്തില് 106 റണ്സെടുത്തു. തകര്പ്പന് പ്രകടനം കാഴ്ചവെച്ച ഇന്ത്യന് ബൗളര്മാരാണ് ദക്ഷിണാഫ്രിക്കന് ബാറ്റിങ് നിരയെ തകര്ത്തത്. 41 റണ്സെടുത്ത കേശവ് മഹാരാജാണ് ടീമിന്റെ ടോപ്സ്കോറര്.
“ഇന്ത്യയ്ക്ക് വേണ്ടി അര്ഷ്ദീപ് സിങ്ങ് നാലോവറില് 32 റണ്സ് വഴങ്ങി മൂന്നുവിക്കറ്റെടുത്തു. ഹര്ഷല് പട്ടേലും ദീപക് ചാഹറും രണ്ട് വിക്കറ്റ് വീതം നേടിയപ്പോള് അക്ഷര് പട്ടേല് ഒരു വിക്കറ്റ് സ്വന്തമാക്കി.