നാഗർകോവിൽ: കന്യാകുമാരിയിൽ വസ്തുത്തർക്കത്തെ തുടർന്ന് മകൻ അച്ഛനെയും അമ്മയെയും അരിവാൾ കൊണ്ട് വെട്ടി. അമ്മ മരിച്ചു. ഗുരുതരമായി പരിക്കേറ്റ പിതാവ് ആശുപത്രിയിൽ ചികിത്സയിലാണ്. ഭൂതപ്പാണിക്ക് സമീപം തിട്ടുവിള പെരുങ്കട സ്ട്രീറ്റിൽ പവുലിന്റെ ഭാര്യ അമലോൽഭവം (68) ആണ് മരിച്ചത്. സംഭവത്തിന് പിന്നാലെ മകൻ മോഹൻദാസ് (50) ഭൂതപ്പാണ്ടി പൊലീസ് സ്റ്റേഷനിൽ എത്തി കീഴടങ്ങി.
മാതാപിതാക്കൾക്കൊപ്പമായിരുന്നു മകൻ മോഹൻദാസും കുടുംബവും താമസിച്ചിരുന്നത്. ഇവർക്കിടയിൽ വസ്തു സംബന്ധിച്ച് തർക്കം പതിവായിരുന്നു. കഴിഞ്ഞ ദിവസം രാത്രിയും ഇരുവർക്കുമിടയിൽ തർക്കമുണ്ടായി. തുടർന്ന് അരിവാൾ ഉപയോഗിച്ച് മോഹൻദാസ് ഇരുവരെയും വെട്ടുകയായിരുന്നു. അമലോൽഭവം സംഭവ സ്ഥലത്തു മരിച്ചു.