ആന്റീഗ: വെസ്റ്റ് ഇൻഡീസിനെതിരായ രണ്ടാം ഏകദിനത്തിൽ ഇംഗ്ലണ്ടിന് ജയം. ആറ് വിക്കറ്റിന്റെ വിജയമാണ് ഇംഗ്ലീഷ് സംഘം നേടിയത്. മത്സരത്തിൽ ആദ്യം ബാറ്റ് ചെയ്ത വെസ്റ്റ് ഇൻഡീസ് 202 റൺസിൽ എല്ലാവരും പുറത്തായി. 32.5 ഓവറിൽ വെറും നാല് വിക്കറ്റ് മാത്രം നഷ്ടപ്പെടുത്തി ഇംഗ്ലണ്ട് ലക്ഷ്യത്തിലെത്തി.
മത്സരത്തിൽ ടോസ് നേടിയ ഇംഗ്ലണ്ട് ബൗളിംഗ് തിരഞ്ഞെടുക്കുകയായിരുന്നു. ഷായി ഹോപ്പ് 68ഉം ഷെഫ്രെയിൻ റൂഥർഫോർഡ് 63ഉം റൺസെടുത്തതാണ് വിൻഡീസ് ഇന്നിംഗ്സിൽ എടുത്ത് പറയാനുള്ളത്. ഇംഗ്ലണ്ടിനായി സാം കുറാനും ലയാം ലിവിങ്സ്റ്റോണും മൂന്ന് വീതം വിക്കറ്റുകൾ നേടി. റെഹാൻ അഹമ്മദ്, ഗസ് അറ്റ്കിൻസൺ എന്നിവർ രണ്ട് വിക്കറ്റ് വീതവും വീഴ്ത്തി.
