കൊല്ലം: കോൺഗ്രസ്‌ നേതാവ് രാഹുൽ ഗാന്ധിക്കെതിരെ രൂക്ഷ വിമർശനവുമായി രംഗത്തെത്തിയിരിക്കുകയാണ് സിപിഐ സംസ്ഥാന സെക്രട്ടറി ബിനോയ് വിശ്വം. കൊല്ലം പ്രസ്സ് ക്ലബ്ബില്‍ ലോക്സഭാ തിരഞ്ഞെടുപ്പിനോട് അനുബന്ധിച്ച് നടത്തിയ പരിപാടിയില്‍ സംസാരിക്കുകയായിരുന്നു അദ്ദേഹം. ‘ഇന്ത്യ’ സഖ്യത്തിന്റെ ആശയാടിത്തറ വിസ്മരിച്ചാണ് കോണ്‍ഗ്രസ് നേതാവ് രാഹുല്‍ ഗാന്ധി പ്രവര്‍ത്തിക്കുന്നതെന്നാണ് ബിനോയ് വിശ്വത്തിൻ്റെ വാദം.
‘രാഹുല്‍ കുറച്ചുകൂടി രാഷ്ട്രീയപക്വത കാണിക്കണം. ആരാണ് ബന്ധു, ആരാണ് ശത്രു എന്നിവ തിരിച്ചറിഞ്ഞ് പ്രവര്‍ത്തിക്കാൻ രാഹുൽ ശ്രദ്ധിക്കണം. കേരളത്തിലെ കോണ്‍ഗ്രസ് നേതാക്കളാണ് അദ്ദേഹത്തെക്കൊണ്ട് ഈ വേഷം കെട്ടിക്കുന്നത്. ബിജെപി ഭക്തിയുള്ള നേതാക്കളാണ് കോണ്‍ഗ്രസില്‍ ചിലരെ’ന്നും ബിനോയ് വിശ്വം പറഞ്ഞു’.ലോക്സഭാ തിരഞ്ഞെടുപ്പില്‍ തൂക്കുമന്ത്രിസഭ വന്നാല്‍, കോണ്‍ഗ്രസ് എംപിമാര്‍ ബിജെപിക്കൊപ്പം പോകും. തിരഞ്ഞെടുപ്പുമായി ബന്ധപ്പെട്ട് പുറത്ത് വരുന്നതെല്ലാം പെയ്ഡ് സര്‍വേകളാണ് എന്നും അദ്ദേഹം പറഞ്ഞു’.
