ഭോപ്പാല്‍: കേസന്വേഷണത്തില്‍ പുരോഗതിയില്ലാതെ വന്നതോടെ പൊലീസിനെ ആരതി ഉഴിഞ്ഞ് ദമ്പതികളുടെ പ്രതിഷേധം. മോഷണ പരാതിയില്‍ പൊലീസ് യാതൊരു നടപടിയും എടുത്തില്ലെന്നാരോപിച്ചാണ് ദമ്പതികള്‍ ആരതിയുമായി പൊലീസ് സ്റ്റേഷനില്‍ എത്തിയത്. മധ്യപ്രദേശില്‍ ഏപ്രില്‍ ആറിന് നടന്ന സംഭവത്തിന്റെ വീഡിയോ സോഷ്യല്‍മീഡിയയില്‍ പ്രചരിക്കുകയാണ്. ദമ്പതികള്‍ ഇന്‍സ്പെക്ടറെ മാല ചാര്‍ത്താനും ഷാള്‍ അണിയിക്കാനും ശ്രമിക്കുന്നുണ്ടെങ്കിലും ക്ഷുഭിതനായ പൊലീസുകാരന്‍ ഇറങ്ങിപോയി. ടൗണ്‍ ഇന്‍സ്‌പെക്ടറായ ജെ പി പട്ടേലാണ് സംഭവിച്ചതില്‍ അതൃപ്തനായി ഇറങ്ങി പോയത്.
