തിരുവനന്തപുരം: മുഖ്യമന്ത്രി പിണറായി വിജയന്റെ മകള് വീണ ഉള്പ്പെടെയുള്ളവര്ക്കെതിരായ മാസപ്പടി കേസില് നിലപാട് മാറ്റി മാത്യു കുഴല്നാടന് എംഎല്എ. വിജിലന്സ് അന്വേഷണത്തിന് ഉത്തരവ് ഇടണമെന്ന മുന് ആവശ്യത്തില് നിന്നാണ് മാത്യു കുഴല്നാടന് പിന്മാറിയത്. കോടതി നേരിട്ട് അന്വേഷിച്ചാല് മതിയെന്നാണ് കുഴല്നാടന് അറിയിച്ചത്.
![](https://www.kottayammedia.com/wp-content/uploads/2023/10/achayans-gold-oct-23.jpg)
വിജിലന്സ് അന്വേഷണം ആവശ്യപ്പെട്ട് സമര്പ്പിച്ച ഹര്ജി പരിഗണനയ്ക്ക് എടുത്തപ്പോഴായിരുന്നു മാത്യു കുഴല്നാടന്റെ നിലപാട് മാറ്റം. ഏതെങ്കിലും ഒന്നില് ഉറച്ചു നില്ക്കൂ എന്ന് കോടതി കുഴല്നാടനോട് വാക്കാല് ആവശ്യപ്പെട്ടു. കോടതി ഇന്ന് വിധി പ്രസ്താവിക്കാനിരിക്കെയാണ് മാത്യു കുഴല്നാടന്റെ നിലപാട് മാറ്റം.
![](https://www.kottayammedia.com/wp-content/uploads/2024/07/jaico-4-7-24.jpg)
കേസില് കോടതിയുടെ നേരിട്ടുള്ള അന്വേഷണം മതിയെന്നാണ് മാത്യു കുഴല്നാടന്റെ അഭിഭാഷകന് കോടതിയെ അറിയിച്ചത്. ഈ നിലപാടു മാറ്റത്തിലൂടെ ഹര്ജി രാഷ്ട്രീയ പ്രേരിതമാണെന്ന് വ്യക്തമായെന്നും, ഹര്ജി തള്ളണമെന്നും വിജിലന്സ് പ്രോസിക്യൂട്ടര് ആവശ്യപ്പെട്ടു. തുടര്ന്ന് ഉത്തരവ് പുറപ്പെടുവിക്കുന്നതിനായി കേസ് ഈ മാസം 12 ലേക്ക് മാറ്റി.
ധാതു മണൽ ഖനനത്തിനായി സിഎംആർഎൽ കമ്പനിക്കു അനുമതി നൽകിയതിനു പ്രതിഫലമായി മുഖ്യമന്ത്രിയുടെ മകൾക്ക് മാസപ്പടി ലഭിച്ചുവെന്നാണ് ഹർജിയിൽ ആരോപിക്കുന്നത്. മുഖ്യമന്ത്രി, മകൾ ഉൾപ്പെടെ ഏഴ് പേർക്കെതിരെയാണ് മാത്യു കുഴൽനാടൻ എംഎൽഎ ഹർജി ഫയൽ ചെയ്തത്.
![](https://kottayammedia.com/wp-content/uploads/2021/11/logo111.png)
![](https://kottayammedia.com/wp-content/uploads/2021/12/ad1.png)