ന്യൂഡല്ഹി: ഡല്ഹിയില് ഐആര്എസ് ഉദ്യോഗസ്ഥന്റെ മകളെ ബലാത്സംഗം ചെയ്ത് കൊലപ്പെടുത്തിയ സംഭവത്തില് പത്തൊന്പതുകാരന് അറസ്റ്റില്.
രാജസ്ഥാനിലെ ആല്വാര് സ്വദേശി രാഹുല് ആണ് അറസ്റ്റിലായത്. ഐആര്എസ് ഉദ്യോഗസ്ഥന്റെ വീട്ടിലെ മുന് ജോലിക്കാരനായിരുന്നു രാഹുല്. ഒരുമാസം മുന്പ് രാഹുലിനെ ജോലിയില് നിന്ന് പിരിച്ചുവിട്ടിരുന്നു.
ഓണ്ലൈന് ഗെയിമുകള്ക്ക് അടിമയായ രാഹുല് പലരില് നിന്നായി പണം കടം വാങ്ങിയിരുന്നു. ഇതുമായി ബന്ധപ്പെട്ട് പ്രശ്നങ്ങളുണ്ടായതോടെയാണ് ഇയാളെ ജോലിയില് നിന്ന് പുറത്താക്കിയത്. സിസിടിവി ദൃശ്യങ്ങള് കേന്ദ്രീകരിച്ച് നടത്തിയ അന്വേഷണത്തിലാണ് പ്രതി കുടുങ്ങിയത്.
