ആലപ്പുഴ: എല്ഡിഎഫ് കണ്വീനര് ഇ പി ജയരാജനെ ഉപയോഗിച്ച് ബിജെപി അനുകൂല പ്രസ്താവനകള് പുറപ്പെടുവിക്കുന്നത് മുഖ്യമന്ത്രിയാണെന്ന് പ്രതിപക്ഷനേതാവ് വി ഡി സതീശന്. ജയരാജന് ഒരു ഉപകരണമാണെന്നും ബിജെപിയെ പ്രീണിപ്പിക്കാന് ജയരാജനെക്കൊണ്ടു സംസാരിപ്പിക്കുന്നതു മുഖ്യമന്ത്രിതന്നെയാണെന്നും സതീശന് ആരോപിച്ചു.
![](https://www.kottayammedia.com/wp-content/uploads/2023/10/achayans-gold-oct-23.jpg)
തിരുവനന്തപുരത്ത് ഉള്പ്പെടെ ബിജെപി സ്ഥാനാര്ഥികള് നല്ല സ്ഥാനാര്ഥികളാണെന്നും ബിജെപി നിരവധി സ്ഥലങ്ങളില് രണ്ടാം സ്ഥാനത്തു വരുമെന്നുമാണ് ജയരാജന് പറഞ്ഞത്. ബിജെപി എവിടെയൊക്കെ രണ്ടാം സ്ഥാനത്തു വരുമോ അവിടെയൊക്കെ മൂന്നാം സ്ഥാനത്തേക്ക് ഇടതുപക്ഷം പോകുമെന്നു എല്ഡിഎഫ് കണ്വീനര് തന്നെ പറയുകയാണെന്നും സതീശന് പറഞ്ഞു.
![](https://www.kottayammedia.com/wp-content/uploads/2024/07/jaico-4-7-24.jpg)
”പണ്ട് സിപിഎമ്മും ബിജെപിയും തമ്മില് അന്തര്ധാര മാത്രമേ ഉണ്ടായിരുന്നുള്ളൂവെങ്കില് ഇപ്പോള് അതൊക്കെ കടന്ന് ഒരുമിച്ച് ബിസിനസ് നടത്താനുള്ള തലത്തിലേക്ക് ബന്ധം വളര്ന്നുവെന്നു, മുഖ്യമന്ത്രി പിണറായി വിജയന് ഇപി ജയരാജനെ ഉപയോഗിച്ച് കേരളത്തില് ബിജെപിയെ സഹായിക്കുകയാണെന്നും” സതീശന് ആരോപിച്ചു.
![](https://kottayammedia.com/wp-content/uploads/2021/11/logo111.png)
![](https://kottayammedia.com/wp-content/uploads/2021/12/ad1.png)