തിരുവനന്തപുരം: ഗവർണർ ആരിഫ് മുഹമ്മദ് ഖാൻ വരുന്നതും വാണം വിട്ട പോലെ പോകുന്നതും കണ്ടെന്ന് പി കെ കുഞ്ഞാലിക്കുട്ടി. സഭയെ ഒന്നടങ്കം അമ്പരപ്പിച്ച് ഒന്നേകാല് മിനിറ്റിനകം പ്രസംഗം അവസാനിപ്പിച്ച് ഗവര്ണര് മടങ്ങിയ സംഭവത്തിൽ പ്രതികരിക്കുകയായിരുന്നു അദ്ദേഹം.
![](https://www.kottayammedia.com/wp-content/uploads/2023/10/achayans-gold-oct-23.jpg)
“ഞങ്ങളെല്ലാം അത്ഭുതപ്പെട്ടിരിക്കുകയാണ്. ഗവർണർ വരുന്നത് കണ്ടു, വാണം വിട്ട പോലെ പോകുന്നതും കണ്ടു. പോകുമ്പോ ഞങ്ങളൊക്കെ അങ്ങോട്ട് വണങ്ങാൻ തയാറായി ഇരിക്കുകയായിരുന്നു. ഒന്ന് തിരിഞ്ഞുപോലും നോക്കിയില്ല . ഒറ്റ പോക്കാ. നിയമസഭയെ തന്നെ അപമാനിക്കുന്ന നടപടിയായിരുന്നു” – കുഞ്ഞാലിക്കുട്ടി പറഞ്ഞു.
![](https://www.kottayammedia.com/wp-content/uploads/2024/07/jaico-4-7-24.jpg)
അതേസമയം ഭരണാഘടനാ ബാധ്യതയുള്ള ഗവര്ണര് നിയമസഭയെ ആവഹേളിച്ചതായി പ്രതിപക്ഷ നേതാവ് വി ഡി സതീശന് പറഞ്ഞു. നയപ്രഖ്യാപന പ്രസംഗത്തിന്റെ അവസാന പാരഗ്രാഫ് മാത്രം വായിച്ച ഗവര്ണറുടെ നടപടിയില് പ്രതിപക്ഷത്തിന്റെ പ്രതിഷേധം രേഖപ്പെടുത്തുന്നതായി അദ്ദേഹം പറഞ്ഞു.
![](https://kottayammedia.com/wp-content/uploads/2021/11/logo111.png)
![](https://kottayammedia.com/wp-content/uploads/2021/12/ad1.png)