ന്യൂഡല്ഹി: നിയമസഭ തെരഞ്ഞെടുപ്പ് വേളയില് കോണ്ഗ്രസ് നേതാവ് രാഹുല്ഗാന്ധി ഉന്നയിച്ച ‘സിപിഎം-ബിജെപി ഡീല്’ അടക്കമുള്ള ആരോപണങ്ങളില് ഇന്ത്യ സഖ്യ യോഗത്തില് അതൃപ്തി അറിയിച്ച് സിപിഎം.
യോഗത്തില് പങ്കെടുത്ത ജോണ് ബ്രിട്ടാസ് എംപിയാണ്, ‘ഇടതുപക്ഷം ഇടതുപക്ഷമല്ലാതായി’ തുടങ്ങിയ രാഹുലിന്റെ പരാമര്ശങ്ങളെ വിമര്ശിച്ചത്. ഇതിനു രാഹുല് ഗാന്ധി നല്കിയ മറുപടി ഇരു നേതാക്കളും തമ്മിലുള്ള വാക് പോരിനും ഇടയാക്കി.
ജോണ് ബ്രിട്ടാസിന്റെ വിമര്ശനങ്ങളെ ഇന്ത്യ മുന്നണി യോഗത്തില് പങ്കെടുത്ത സിപിഐ ജനറല് സെക്രട്ടറി ഡി രാജയും പിന്തുണച്ചിരുന്നു. എന്നാല് താന് സംസാരിച്ചത് വസ്തുതകളുടെ അടിസ്ഥാനത്തിലാണ് എന്നാണ് രാഹുല് ഗാന്ധി മറുപടി നല്കിയത്. തുടര്ന്ന് അദാനിയിലേക്കും എത്തുകയായിരുന്നു.
