പാട്ന: ബിഹാറിൽ ജെഡിയു യുവനേതാവ് വെടിയേറ്റ് കൊല്ലപ്പെട്ടു. ബൈക്കിലെത്തിയ നാലംഗ സംഘമാണ് ജെഡിയു നേതാവായ സൗരഭ് കുമാറിനെ വെടിവെച്ച് കൊന്നത്. കല്ല്യാണ ചടങ്ങില് പങ്കെടുത്ത് മടങ്ങുകയായിരുന്ന സൗരഭിനും സുഹൃത്ത് മുന്മുന് കുമാറിനുമെതിരെ അജ്ഞാതരായ നാലംഗ സംഘം വെടിയുതിര്ക്കുകയായിരുന്നു.
![](https://www.kottayammedia.com/wp-content/uploads/2023/10/achayans-gold-oct-23.jpg)
സൗരഭിന്റെ തലയ്ക്ക് നേരെ രണ്ടുവട്ടവും പരിക്കേറ്റ് ചികിത്സയിൽ കഴിയുന്ന സുഹൃത്ത് മുന്മുന് കുമാറിനെതിരെ മൂന്നുവട്ടവും വെടിയുതിര്ത്തു. വെടിയേറ്റ ഉടനെ സൗരഭിനെ ആശുപത്രിയിലെത്തിച്ചെങ്കിലും മരണം സ്ഥിരീകരിക്കുകയായിരുന്നു.
![](https://www.kottayammedia.com/wp-content/uploads/2024/07/jaico-4-7-24.jpg)
വെടിവെച്ച അജ്ഞാത സംഘം സംഭവസ്ഥലത്തു നിന്നും രക്ഷപ്പെട്ടു. പൊലീസ് സ്ഥലത്തെത്തി അന്വേഷണം ആരംഭിച്ചിട്ടുണ്ട്. ഇതിനിടെ സൗരഭിന്റെ കൊലപാതകത്തില് പ്രതിഷേധിച്ച് രോഷാകുലരായ പ്രദേശവാസികള് റോഡ് തടഞ്ഞു.
![](https://kottayammedia.com/wp-content/uploads/2021/11/logo111.png)
![](https://kottayammedia.com/wp-content/uploads/2021/12/ad1.png)