ലഖ്നൗ: ഇലക്ട്രിസിറ്റി ലൈനില് തട്ടിയതിനെ തുടര്ന്ന് ബസിന് തീ പിടിച്ച് പത്തുപേര് മരിച്ചു. പതിനൊന്ന് കെവി വൈദ്യുതി കമ്പിയില് തട്ടിയായിരുന്നു അപകടം. ഉത്തര്പ്രദേശിലെ ഗാസിപ്പൂരിലാണ് സംഭവം. ബസിലൂടെ വൈദ്യുതി പ്രവഹിച്ചതിനാല് ആളുകള്ക്ക് പുറത്തേക്ക് ചാടാനും കഴിഞ്ഞില്ല. മുപ്പതോളം യാത്രക്കാരായിരുന്നു ബസില് ഉണ്ടായിരുന്നത്.
![](https://www.kottayammedia.com/wp-content/uploads/2023/10/achayans-gold-oct-23.jpg)
വിവാഹസംഘം സഞ്ചരിച്ച ബസാണ് അപകടത്തില്പ്പെട്ടത്. ബസ് ഇലക്ട്രിലൈനില് തട്ടിയതിന് പിന്നാലെ ബസിന് തീപിടിക്കുകയായിരുന്നു. ബസ് പൂര്ണമായി കത്തിനശിച്ചു. അപകടത്തില് വാഹനം കത്തുന്ന നിരവധി ദൃശ്യങ്ങളും സാമൂഹിക മാധ്യമങ്ങളില് പ്രചരിച്ചു.
![](https://www.kottayammedia.com/wp-content/uploads/2024/07/jaico-4-7-24.jpg)
നാട്ടുകാരും പൊലീസും ചേര്ന്നാണ് ബസിനുള്ളില് കുടുങ്ങിയവരെ പുറത്ത് എത്തിച്ചത്. രക്ഷപ്പെട്ടവരെ സമീപത്തെ ആശുപത്രിയിലേക്ക് മാറ്റി. സംഭവത്തില് പൊലീസ് അന്വേഷണം ആരംഭിച്ചു.
![](https://kottayammedia.com/wp-content/uploads/2021/11/logo111.png)
![](https://kottayammedia.com/wp-content/uploads/2021/12/ad1.png)