ന്യൂഡല്ഹി: മുന് വ്യോമസേന മേധാവി ആര്കെഎസ് ബദൗരിയ ബിജെപിയില് ചേര്ന്നു. ബിജെപി ദേശീയ ജനറല് സെക്രട്ടറി വിനോദ് താവ്ഡെ, കേന്ദ്രമന്ത്രി അനുരാഗ് ഠാക്കൂര് എന്നിവര് ചേര്ന്നാണ് ബദൗരിയയെ പാര്ട്ടിയിലേക്ക് സ്വീകരിച്ചത്. ഉത്തര്പ്രദേശ് സ്വദേശിയാണ്.
![](https://www.kottayammedia.com/wp-content/uploads/2023/10/achayans-gold-oct-23.jpg)
40 വര്ഷത്തോളം വ്യോമസേനയില് സേവനം അനുഷ്ഠിച്ച ബദൗരിയ, 2021 ലാണ് സേനയില് നിന്നും വിരമിച്ചത്. സ്വാശ്രയത്വം വര്ദ്ധിപ്പിക്കുന്നതിനും സായുധ സേനയെ ആധുനികവല്ക്കരിക്കുന്നതിനും നരേന്ദ്രമോദി സര്ക്കാര് സ്വീകരിച്ച നടപടികളെ ബദൗരിയ പ്രശംസിച്ചു.
![](https://www.kottayammedia.com/wp-content/uploads/2024/07/jaico-4-7-24.jpg)
തന്റെ കഴിഞ്ഞ എട്ട് മുതല് 10 വര്ഷത്തെ സേവനത്തെ ‘സുവര്ണ്ണ കാലഘട്ടം’ എന്നാണ് ബദൗരിയ വിശേഷിപ്പിച്ചത്. ദേശീയ സുരക്ഷയ്ക്കായുള്ള കേന്ദ്രസര്ക്കാര് നടപടികളെ പ്രശംസിച്ച അദ്ദേഹം പ്രധാനമന്ത്രി നരേന്ദ്രമോദിയുടെ ദീര്ഘവീക്ഷണത്തെ പ്രകീര്ത്തിക്കുകയും ചെയ്തു.
![](https://kottayammedia.com/wp-content/uploads/2021/11/logo111.png)
![](https://kottayammedia.com/wp-content/uploads/2021/12/ad1.png)