പ്രണയത്തില്‍ നിന്ന് പിന്മാറി: കോൺഗ്രസ് നേതാവിന്റെ മകളെ കാമ്പസിനുള്ളിൽ കുത്തിക്കൊന്നു

ഫയാസ് നേഹയെ കത്തികൊണ്ട് പലതവണ കുത്തുന്നതും ഓടിപ്പോകുന്നതും കാമ്പസിലെ സിസിടിവി ദൃശ്യങ്ങളിൽ വ്യക്തമാണ്. കോളേജ് അധികൃതരും മറ്റ് വിദ്യാർത്ഥികളും ചേർന്ന് നേഹയെ ആശുപത്രിയിലെത്തിച്ചെങ്കിലും മരണം സ്ഥിരീകരിക്കുകയായിരുന്നു. ഒന്നാം സെമസ്റ്റർ എംസിഎ പരീക്ഷ കഴിഞ്ഞ് മടങ്ങുന്നതിനിടെ വൈകിട്ട് നാലരയോടെയായിരുന്നു സംഭവം.

ഇരുവരുടെയും സൗഹൃദം കോളേജ് മാനേജ്‌മെൻ്റും നേഹയുടെ മാതാപിതാക്കളും എതിർത്തതോടെ ഫയാസുമായി നേഹ അകന്നുതുടങ്ങിയെന്നും ഇതിൻ്റെ പേരിലാണ് ഇയാൾ യുവതിയെ കുത്തിയതെന്നുമാണ് പൊലീസ് പറയുന്നത്. നേഹയെ കോളേജിൽ പോകുന്നത് മാതാപിതാക്കളും തടഞ്ഞിരുന്നു. ബെലഗാവി ജില്ലയിൽ താമസിക്കുന്ന ഫയാസ് ദിവസങ്ങളായി നേഹയെ പിന്തുടരുകയായിരുന്നുവെന്നും വൃത്തങ്ങൾ പറയുന്നു.