തിരുവനന്തപുരം: സ്ത്രീ സുരക്ഷാ പെന്ഷന് തുടരണമോയെന്നതില് തീരുമാനമെടുത്തിട്ടില്ലെന്ന് മുഖ്യമന്ത്രി വിഡി സതീശന്.
സ്ത്രീ സുരക്ഷാ പെന്ഷന് സാമൂഹ്യ ക്ഷേമ പെന്ഷന്റെ ഭാഗമല്ല. കഴിഞ്ഞ സര്ക്കാര് തെരഞ്ഞെടുപ്പിന് തൊട്ടുമുമ്പ് തുടങ്ങിയതാണ് ഈ പദ്ധതി.
സ്ത്രീ സുരക്ഷാ പെന്ഷന് തുടരുന്നതില് സര്ക്കാര് തീരുമാനം എടുത്തിട്ടില്ല. അതേസമയം സാമൂഹ്യ ക്ഷേമ പെന്ഷന് മുടങ്ങാതെ കൊടുക്കുമെന്നും മുഖ്യമന്ത്രി നിയമസഭയില് വ്യക്തമാക്കി.
സാമൂഹ്യ സുരക്ഷാ പെന്ഷന് വിതരണത്തിനുള്ള ഉത്തരവ് നാളെ ഇറങ്ങും. 24-ാം തീയതി മുതല് പെന്ഷന് വിതരണം ആരംഭിക്കുമെന്നും മുഖ്യമന്ത്രി നിയമസഭയില് വ്യക്തമാക്കി. ഇന്ദിരാ ഗ്യാരന്റി പ്രകാരമുള്ള സുപ്രധാന വാഗ്ദാനമായ പെന്ഷന് തുക 3000 ആയി വര്ധിപ്പിക്കുന്നതിനുള്ള നടപടിക്രമങ്ങള് ആരംഭിച്ചതായും വിഡി സതീശന് സഭയെ അറിയിച്ചു.
ഗുണഭോക്താക്കളുടെ ലിസ്റ്റ് പരിശോധിക്കും. അനര്ഹര് പട്ടികയില് ഇടംപിടിച്ചിട്ടുണ്ടോയെന്ന് വിശദമായ പരിശോധനയുണ്ടാകുമെന്നും മുഖ്യമന്ത്രി പറഞ്ഞു.
