ഗുവാഹത്തി: ഇന്ത്യ രാജ്യത്തെയൊന്നാകെ ഡല്ഹിയില് നിന്ന് ഭരിക്കാനാണ് ബിജെപിയും ആര്എസ്എസും ആഗ്രഹിക്കുന്നതെന്ന് കോണ്ഗ്രസ് നേതാവ് രാഹുല് ഗാന്ധി. ഭാരത് ജോഡോ ന്യായ് യാത്രയുടെ സംസ്ഥാനത്തെ രണ്ടാം ദിവസം ലഖിംപൂര്ജില്ലയിലെ ഗോഹാമുഖില് പൊതുയോഗത്തില് സംസാരിക്കുകയായിരുന്നു രാഹുല്.
![](https://www.kottayammedia.com/wp-content/uploads/2023/10/achayans-gold-oct-23.jpg)
ഇന്ത്യ രാജ്യത്തിനാകെ ഒരു ഭാഷ. ഡല്ഹിയില് നിന്ന് ഒരു നേതാവ് ഭരിക്കുക എന്നതാണ് ബിജെപിയും ആര്എസ്എസും ആഗ്രഹിക്കുന്നത്. അതിനെ തങ്ങള് അംഗീകരിക്കുന്നില്ല. അസമിനെ അസമില് നിന്ന് ഭരിക്കണം. ഡല്ഹിയില് നിന്നല്ലെന്നും രാഹുല് പറഞ്ഞു.
![](https://www.kottayammedia.com/wp-content/uploads/2024/07/jaico-4-7-24.jpg)
രാജ്യത്തെ മറ്റേത് സംസ്ഥാനങ്ങളിലെ ക്രമസമാധാനപാലത്തിന് നല്കുന്ന അതേ പ്രാധാന്യമാണ് വടക്കുകിഴക്കന് സംസ്ഥാനങ്ങള്ക്കും തങ്ങള് നല്കുന്നത്. ഇന്ത്യയുടെ ചരിത്രത്തിലാദ്യമായി ആഭ്യന്തര യുദ്ധത്തിന് സമാനമായ ഒരു സാഹചര്യം ഒരു സംസ്ഥാനം നേരിടുന്നു. പ്രധാനമന്ത്രി ആ സംസ്ഥാനത്തേക്ക് ഒരു തവണ പോലും പോയിട്ടില്ല. ബിജെപിയുടെ രാഷ്ട്രീയ യാഥാര്ത്ഥ്യം എന്താണെന്ന് തിരിച്ചറിയപ്പെടുമെന്നതിനാലാണ് അദ്ദേഹം അങ്ങോട്ട് പോകാത്തതെന്നും രാഹുല് പറഞ്ഞു.
![](https://kottayammedia.com/wp-content/uploads/2021/11/logo111.png)
![](https://kottayammedia.com/wp-content/uploads/2021/12/ad1.png)