തിരുവനന്തപുരം: മദ്യപിച്ച് ജോലിക്കെത്തിയ 100 കെഎസ്ആര്ടിസി ജീവനക്കാര്ക്കെതിരെ നടപടി. 74 സ്ഥിരം ജീവനക്കാരെ സസ്പെന്റ് ചെയ്തു.സ്വിഫ്റ്റിലെ താല്ക്കാലിക ജീവനക്കാരും കെഎസ്ആര്ടിസിയിലെ ബദല് ജീവനക്കാരുമായ 26 പേരെ സര്വീസില് നിന്നും നീക്കി. രണ്ടാഴ്ച്ചയ്ക്കിടെ നടത്തിയ പരിശോധനയിലാണ് നടപടി. 49 ഡ്രൈവര്മാരും പരിശോധനയില് കുടുങ്ങി. മന്ത്രി കെ ബി ഗണേഷ് കുമാറിന്റെ നിര്ദേശപ്രകാരമായിരുന്നു പരിശോധന.
![](https://www.kottayammedia.com/wp-content/uploads/2023/10/achayans-gold-oct-23.jpg)
മദ്യപിച്ച് ജോലിക്കെത്തുന്നുവെന്ന വ്യാപകപരാതിയെ തുടര്ന്നാണ് പരിശോധനയ്ക്ക് മന്ത്രി നിര്ദേശം നല്കിയത്. വനിത ജീവനക്കാര് ഒഴികെയുള്ള എല്ലാവരെയും ബ്രീത്ത് അനലൈസര് ഉപയോഗിച്ച് പരിശോധിക്കാനായിരുന്നു നിര്ദേശം, 60 യൂണിറ്റുകളില് നടത്തിയ പരിശോധനയിലാണ് നൂറ് പേര് പിടിയിലായിരിക്കുന്നത്.
![](https://www.kottayammedia.com/wp-content/uploads/2024/07/jaico-4-7-24.jpg)
സ്റ്റേഷന് മാസ്റ്റര്, മെക്കാനിക്ക് ജീവനക്കാര് ഉള്പ്പടെ 49 ഡ്രൈവര്മാര് ( 39 സ്ഥിരം ഡ്രൈവറും 10 താത്കാലിക ഡ്രൈവര്മാരും) 22 കണ്ടക്ടര്മാരെയും പരിശോധനയില് പിടികൂടിയത്. . ഇത്തരത്തില് കണ്ടെത്തിയ 74 സ്ഥിരം കെഎസ്ആര്ടിസി ജീവനക്കാരെ സസ്പെന്ഡ് ചെയ്തതായും 26 താത്കാലിക ജീവനക്കാരെ പിരിച്ചുവിടുകയും ചെയ്തു. പരിശോധന ഇനിയും തുടരുമെന്ന് ഉദ്യോഗസ്ഥര് അറിയിച്ചു.
![](https://kottayammedia.com/wp-content/uploads/2021/11/logo111.png)
![](https://kottayammedia.com/wp-content/uploads/2021/12/ad1.png)