‘പാര്‍ലമെന്‍റിന് അകത്തും പുറത്തും ആ ശബ്‌ദം മുഴങ്ങണം’; കെകെ ശൈലജയ്ക്ക് വേണ്ടി വോട്ടഭ്യര്‍ഥിച്ച് കമല്‍ഹാസന്‍

കേരളം, തമിഴ്‌നാട് ഉൾപ്പെടെയുള്ള സംസ്ഥാനങ്ങൾ കേന്ദ്രത്തിൽ നിന്നും കടുത്ത വെല്ലുവിളിയാണ് നേരിടുന്നത്. ഈ വ്യവസ്ഥിതിക്കെതിരെ പാർലമെന്റിന് അകത്തും പുറത്തും ശബ്ദമുയർത്ത ശൈലജയെ പോലെയുള്ള നേതാക്കൾ നമ്മൾക്ക് ആവശ്യമാണെന്നും കമൽഹാസൻ പറഞ്ഞു.

രാജ്യത്ത് വർഗീയ ശക്തികളുയർത്തുന്ന വെല്ലുവിളികളെ പരാജയപ്പെടുത്താനുള്ള പോരാട്ടത്തിന് മഹാനടന്‍ കമല്‍ഹാസന്‍റെ വാക്കുകള്‍ ഊർജ്ജമാകുമെന്നും അദ്ദേഹത്തിന്‍റെ ഹൃദയം നിറഞ്ഞ നന്ദി അറിയിക്കുന്നുവെന്നും വിഡിയോ പങ്കുവെച്ചു കൊണ്ട് കെകെ ശൈലജ അറിയിച്ചു.