ബേപ്പൂർ: കേരള സമുദ്രാതിര്ത്തിയില് ചരക്കുകപ്പലിന് തീപ്പിടിച്ചു. കൊളംബോയില്നിന്ന് മുംബൈയിലേക്ക് പോകുന്ന ചരക്കുകപ്പലിനാണ് തീപ്പിടിച്ചത്.
ബേപ്പൂര്-അഴീക്കല് തുറമുഖങ്ങളുടെ പടിഞ്ഞാറുഭാഗത്തായി 85 കിലോമീറ്ററോളം ഉള്ക്കടലിലാണ് സംഭവം. 40 ജീവനക്കാര് കപ്പലില് ഉണ്ടായിരുന്നതായാണ് വിവരം. 50 കണ്ടെയ്നറുകള് വെള്ളത്തില് പതിച്ചതായാണ് വിവരം. 650-ഓളം കണ്ടെയ്നറുകള് കപ്പലില് ഉണ്ടായിരുന്നു.
വാന് ഹായ് 503 എന്ന സിംഗപ്പുര് കപ്പലാണ് അപകടത്തില്പ്പെട്ടത്. കപ്പലില് പൊട്ടിത്തെറികള് ഉണ്ടായതായും 18 ജീവനക്കാര് ചാടി രക്ഷപ്പെട്ടതായും വിവരമുണ്ട്.
ഇന്ന് രാവിലെയാണ് അപകടം ഉണ്ടായത്. വാന്ഹായ് 503 (WAN HAI 503 cargo ship) എന്ന സിംഗപ്പൂര് ആസ്ഥാനമായ കപ്പലാണ് അപകടത്തില്പ്പെട്ടത്. കപ്പലില് നാല്പതോളം ജീവനക്കാരുണ്ടെന്നുമാണ് വിവരം. അന്താരാഷ്ട്ര കപ്പല് ചാലില് കേരള തീരത്ത് ഇരുപത് നോട്ടിക്കല് മൈല് പടിഞ്ഞാറ് മാറി ബേപ്പൂരിനും – അഴീക്കലിനും ഇടയിലാണ് കപ്പല് അപകടം സംഭവിച്ചത്.
കോസ്റ്റ് ഗാര്ഡ്, നേവി തുടങ്ങിയ സുരക്ഷാ സേനകള് അപകട സ്ഥലത്തേക്ക് തിരിച്ചു. കപ്പലുകളും വിമാനങ്ങളും രക്ഷാ ദൗത്യത്തില് പങ്കാളികളാകുന്നുണ്ട്.
