തൃശ്ശൂർ: അതിരപ്പിള്ളിയിലെത്തിയ വിനോദസഞ്ചാരികളുടെ കാറിനുനേരെ പാഞ്ഞടുത്ത് കാട്ടാന. അത്ഭുതകരമായാണ് കാട്ടനയുടെ ആക്രമണത്തിൽ നിന്നും കാറിലുണ്ടായിരുന്ന വിനോദസഞ്ചാരികൾ രക്ഷപ്പെട്ടത്. ചാലക്കുടി-മലക്കപ്പാറ അന്തര്സംസ്ഥാന പാതയില് ആനക്കയത്ത് വെച്ച് ഞായറാഴ്ച വൈകുന്നേരമാണ് സംഭവമുണ്ടായത്. സംഭവത്തിന്റെ ദൃശ്യങ്ങൾ വൈറലായി.
![](https://www.kottayammedia.com/wp-content/uploads/2023/10/achayans-gold-oct-23.jpg)
റോഡിന് ഇരുവശവും നിന്നിരുന്ന ആനക്കൂട്ടത്തിൽ നിന്നും റോഡിലേക്ക് ഇറങ്ങിയ പിടിയാനയാണ് കാറിനു നേരെയെത്തിയത്. മലക്കപ്പാറയിൽ നിന്ന് വരികയായിരുന്ന സംഘത്തിൻ്റെ കാറിന് നേരെയാണ് കാട്ടന പാഞ്ഞടുത്തത്.
![](https://www.kottayammedia.com/wp-content/uploads/2024/07/jaico-4-7-24.jpg)
ആനയെ കണ്ട് കാർ നിർത്തിയിട്ടിരുന്നു. എന്നാൽ കാറിന് നേരെ കാട്ടാന ഓടിവരികയായിരുന്നു, ഇത് കണ്ടതോടെ കാർ പിന്നോട്ടെടുത്താണ് ആക്രമണത്തില്നിന്നും സംഘം രക്ഷപ്പെട്ടത്. എന്നാൽ ആന കാറിന് പിന്നാലെ ഓടുകയും ചെയ്തു. അതിസാഹസികമായാണ് സംഘം രക്ഷപ്പെട്ടത്.
![](https://kottayammedia.com/wp-content/uploads/2021/11/logo111.png)
![](https://kottayammedia.com/wp-content/uploads/2021/12/ad1.png)