ചെന്നൈ: ബിജെപി വിരുദ്ധ, കോണ്ഗ്രസ് വിരുദ്ധ സഖ്യം രൂപീകരിക്കാന് ഡിഎംകെ. സമാന ചിന്താഗതിയുള്ള പ്രാദേശിക പാര്ട്ടികളുമായി ചേര്ന്ന് ദേശീയ തലത്തില് സഖ്യമുണ്ടാക്കാനാണ് ഡിഎംകെയുടെ തീരുമാനം. രണ്ട് ദേശീയ പാര്ട്ടികളുമായി ചേരാന് താല്പര്യമില്ലാത്ത പ്രാദേശിക പാര്ട്ടികളെയാണ് ഡിഎംകെ ലക്ഷ്യം വെക്കുന്നത്.
2026ലെ തമിഴ്നാട് തെരഞ്ഞെടുപ്പ് ഫലത്തിന് മുമ്പ് തന്നെ ഇങ്ങനൊരു സഖ്യത്തിനായി ആലോചനയുണ്ടായിരുന്നുവെന്ന് സ്രോതസുകളെ ഉദ്ധരിച്ച് ദ ന്യൂ ഇന്ത്യന് എക്സ്പ്രസ് റിപ്പോര്ട്ട് ചെയ്യുന്നു.
തെരഞ്ഞെടുപ്പ് ഫലം എന്ത് തന്നെയായിരുന്നാലും ഡിഎംകെ സഖ്യം വിടാന് കോണ്ഗ്രസ് ഒരുങ്ങിയിരുന്നുവെന്നും റിപ്പോര്ട്ടില് പറയുന്നു.തൃണമൂല് കോണ്ഗ്രസ്, ആര്ജെഡി, എഎപി പാര്ട്ടികളുമായി സംസാരിച്ചിട്ടുണ്ടെന്നും മുതിര്ന്ന ഡിഎംകെ നേതാവിനെ ഉദ്ധരിച്ച് ന്യൂ ഇന്ത്യന് എക്സ്പ്രസ് റിപ്പോര്ട്ട് പറയുന്നു.
