പാലാ: ഹൈടെക് ഫാമിംഗ് സാധ്യതകളുടെ അനന്ത ലോകം മാർ. ജോസഫ് കല്ലറങ്ങാട്ട് . കത്തോലിക്ക കോൺഗ്രസ് പാലാ രൂപത സമിതി നടത്തുന്ന പതിനൊന്നാമത് അടുക്കള തോട്ട മൽസരത്തിൻ്റെ പാലാ സോൺ വിത്ത് വിതരണം ബിഷപ്പ് ഹൗസിൽ ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം. കാർഷിക സംസ്കാരമാണ് ഏറ്റവും മികച്ച സംസ്കാരമെന്നും ഇന്നത്തെ യുവജനങ്ങൾക്ക് കാർഷിക മേഖലയോട് താല്പര്യം കുറയുന്ന സാഹചര്യത്തിലാണ് കുടുംബ കൃഷിയുടെ പ്രാധാന്യമെന്നും അദ്ദേഹം പറഞ്ഞു.
കാർഷിക സംസ്കാരമാണ് നമ്മുടേതെന്നും കൃഷിക്ക് ഏറ്റവും അനുയോജ്യമായ കാലവസ്ഥയാണെന്നും അദ്ദേഹം പറഞ്ഞു. ഇന്ന് ഏറ്റവും അധികം ആളുകൾ പങ്കെടുക്കുന്ന കാർഷിക മൽസരമാണ് ഇത്. വിജയികൾക്ക് ആകർഷകമായ സമ്മാനങ്ങളാണ് നൽകുന്നത്. രൂപത പ്രസിഡൻ്റ് ഇമ്മാനുവേൽ നിധീരി അദ്ധ്യക്ഷ വഹിച്ച യോഗത്തിൽ റവ. ഡോ. ജോർജ് വർഗീസ് ഞാറക്കുന്നേൽ, ജോസ് വട്ടുകുളം,
ജോയി കണിപറമ്പിൽ, ആൻസമ്മ സാബു, അഡ്വ. ജോൺസൺ വീട്ടിയാങ്കൽ, സി. എം ജോർജ്, പയസ് കവളംമാക്കൽ, ജോൺസൺ ചെറുവള്ളി, ബെന്നി കിന്നറ്റുകര, എഡ്വവിൻ പാമ്പാറ, രാജേഷ് പാറയിൽ, ജോബിൻ പുതിയടത്തു ചാലിൽ , സിന്ധു ജയ്ബു, ബെല്ലാ സിബി, ലിബി മണി മല തുടങ്ങിയവർ സംസാരിച്ചു. ടോമി കണ്ണീറ്റു മാലിൽ സെമിനാർ നയിച്ചു
