കല്പ്പറ്റ: വയനാട് ടൗണ്ഷിപ്പില് നിര്മാണം അവസാനഘട്ടത്തില് എത്തിനില്ക്കുന്ന വീടുകളില് വിള്ളല്. ആദ്യഘട്ടത്തില് കൈമാറുന്ന 178 വീടുകളിലെ രണ്ടു വീടുകള്ക്കാണ് വിള്ളല്.
ഈ മാസവും ടൗണ്ഷിപ്പ് താമസയോഗ്യമാകില്ലെന്നാണ് വിവരം. ടൗണ്ഷിപ്പില് നിര്മ്മാണം വൈകുന്നതില് ആശങ്കയുണ്ടെന്നും ദുരന്തബാധിതര് പറഞ്ഞു.
178 വീടുകള് എങ്കിലും എത്രയും വേഗം പൂര്ത്തീകരിക്കണമെന്നാണ് ദുരന്തബാധിതര് ആവശ്യപ്പെടുന്നത്. കൈമാറിയ ഭൂരിഭാഗം വീടുകളും താമസ യോഗ്യമല്ലെന്നും വിമര്ശനമുണ്ട്.
തനിക്ക് ലഭിച്ച വീട്ടിലെ മേല്ക്കൂരയില് വിള്ളല് വീണെന്ന് ചൂരല്മല സ്വദേശി നൗഫലും പ്രതികരിച്ചു. മഴപെയ്തപ്പോള് വെള്ളം ചോര്ന്നിറങ്ങി എന്നും പരാതിയുണ്ട്.
