Crime
തണ്ണീർമുക്കം ബണ്ടിൽ ലോറികൾ കൂട്ടിയിടിച്ചു:ഒരു ലോറി പാലത്തിന്റെ കൈവരികൾ തകർത്തു കായലിൽ പതിച്ചു
കോട്ടയം: കുമരകം തണ്ണീർമുക്കം ബണ്ടിൽ ടോറസ്സ് ലോറിയും ടിപ്പറും കൂട്ടിയിടിച്ച് അപകടം. ഇടിയുടെ ആഘാതത്തിൽ ടിപ്പർ ലോറി പാലത്തിന്റെ കൈവരി തകർത്തു കായലിൽ പതിച്ചു. ഡ്രൈവർ നീന്തി രക്ഷപ്പെട്ടു.ലോഡുമായി വന്ന ടോറസിൽ ഇടിക്കാതിരിക്കാൻ വെട്ടിച്ചതിനെ തുടർന്ന് നിയന്ത്രണം തെറ്റിയ ടിപ്പർ പാലത്തിന്റെ കൈവരി തകർത്ത് കായലിൽ പതിക്കുകയായിരുന്നു.
കായലിലേക്കു വീണ ടിപ്പർ ലോറിയിൽ നിന്ന് ഡ്രൈവർ മണ്ണഞ്ചേരി സ്വദേശി പരിക്കില്ലാതെ രക്ഷപ്പെട്ടു.തണ്ണീർമുക്കം ബണ്ടിൽ വെള്ളിയാഴ്ച രാത്രി 8.45 ഓടെയായിരുന്നു അപകടം.വൈക്കം വെച്ചൂർ ഭാഗത്തു നിന്നു ലോഡുമായി വന്ന ടോറസിൽ ഇടിക്കാതിരിക്കാൻ ചേർത്തല ഭാഗത്തു നിന്ന് വെച്ചൂർ ഭാഗത്തേക്കു വന്ന ടിപ്പർ വെട്ടിച്ചു മാറ്റുന്നതിനിടയിൽ പാലത്തിന്റ കൈവരി തകർത്ത് കായലിൽ പതിക്കുകയായിരുന്നു.
അപകടത്തെ തുടർന്ന് അര മണിക്കൂറോളം തണ്ണീർമുക്കം ബണ്ടിൽ ഗതാഗതം തടസപ്പെട്ടു. പൊലീസും ഫയർഫോഴ്സും നാട്ടുകാരും ചേർന്ന് ടോറസ് ഉയർത്തി ഗതാഗതം പുനസ്ഥാപിച്ചു.