കോഴിക്കോട്: പത്താം ക്ലാസുകാരന്റെ വാട്ടര്ബോട്ടിലില് നിന്ന് വാറ്റ്ചാരായം കണ്ടെത്തി. വിദ്യാര്ഥികള് മദ്യം ഉപയോഗിക്കുന്നുവെന്ന രഹസ്യവിവരത്തെ തുടര്ന്ന് അധ്യാപകര് നടത്തിയ പരിശോധനയില് വാട്ടര്ബോട്ടിലില് വാറ്റ്ചാരായം കണ്ടെത്തുകയായിരുന്നു.
കുട്ടിയെ ചോദ്യം ചെയ്തതില് നിന്നും സഹപാഠിയായ വിദ്യാര്ഥി എത്തിച്ചു നല്കിയതാണ് എന്ന വിവരം ലഭിച്ചു.
പല കുട്ടികള്ക്കും ഇത്തരത്തില് വാറ്റ് ചാരായം പതിവായി വിദ്യാര്ഥി എത്തിച്ചു കൊടുക്കുന്നുണ്ടെന്ന് വ്യക്തമായതിനെ തുടര്ന്ന് സ്കൂള് അധികൃതര് വിവരം താമരശ്ശേരി പൊലീസില് അറിയിച്ചു.
പൊലീസിന്റെ വിശദമായ ചോദ്യം ചെയ്യലില് തന്റെ രണ്ടാനച്ഛന് നാടന് ചാരായം വാറ്റുന്നുണ്ടെന്നും, തന്നെ സഹായത്തിന് വിളിക്കാറുണ്ടെന്നുമുള്ള വിവരം വിദ്യാര്ഥി വെളിപ്പെടുത്തി.വാറ്റുചാരായം സൂക്ഷിക്കുന്ന സ്ഥലത്തെ കുറിച്ചും പൊലീസിന് സൂചന ലഭിച്ചു.
