പുലര്ച്ചെ 4.15നാണ് ബസ് സിറ്റി കണ്ട്രോള് റൂമിനു മുന്നിലെത്തിയത്. ട്രാഫിക് പൊലീസ് വിവരം അറിയിച്ചതിനെ തുടര്ന്നു കസബ പൊലീസ് എത്തി വിദ്യാര്ഥിനിയില്നിന്നു പരാതി എഴുതി വാങ്ങി. പ്രതി ബസില്നിന്നു നടത്തിയ പ്രവൃത്തി വിദ്യാര്ഥി മൊബൈല് ഫോണില് ചിത്രീകരിച്ചിരുന്നു. ഇതേസമയം, ബസില്നിന്നു രക്ഷപ്പെടാന് ശ്രമിച്ച പ്രതിയെ ജീവനക്കാരും സഹയാത്രക്കാരും ചേര്ന്നു തടഞ്ഞു വച്ച് പൊലീസിനു കൈമാറി. കസ്റ്റഡിയിലെടുത്ത ഷംസുദീനെ കസബ പൊലീസ് സ്റ്റേഷനിലേക്കു കൊണ്ടുപോകുകയും ബസ് യാത്ര തുടരുകയുമായിരുന്നു. പ്രതിക്കെതിരെ പൊലീസ് കേസെടുത്തു വിട്ടയച്ചു. പരാതിയില് തുടര് നടപടിക്കു താല്പര്യമില്ലെന്നു വിദ്യാര്ഥി അറിയിച്ച സാഹചര്യത്തിലാണ് പ്രതിക്കു സ്റ്റേഷന് ജാമ്യം നല്കി വിട്ടയച്ചതെന്നു പൊലീസുകാര് പറഞ്ഞു.