കാസര്കോട്: മേല്പ്പറമ്പില് 16കാരി പീഡനത്തിനിരയായ കേസില് ഞെട്ടിപ്പിക്കുന്ന വിവരങ്ങള് പുറത്ത്.
25കാരി സ്നേഹ മെര്ലിന് പലതവണ പെണ്കുട്ടിയെ ലൈംഗികമായി പീഡിപ്പിച്ചെന്നാണ് പെണ്കുട്ടിയുടെ മൊഴി. പെണ്കുട്ടിയുടെ അമ്മയുടെ സുഹൃത്തായ സ്നേഹ ഒരു വര്ഷം അവരുടെ വീട്ടില് താമസിച്ചിരുന്നു. ഇതിനിടെയാണ് പെണ്കുട്ടിയെ നിരവധി തവണ സ്നേഹ പീഡിപ്പിച്ചത്.
അമ്മ വീട്ടിലുള്ളപ്പോഴും പീഡനം നടന്നെന്ന് പെണ്കുട്ടി മൊഴി നല്കി. കണ്ണൂരിലെ ജയിലില് നിന്നാണ് സ്നേഹയും പെണ്കുട്ടിയുടെ അമ്മയും പരിചയപ്പെട്ടത്. പെണ്കുട്ടിയുടെ അമ്മ ലഹരി വില്പ്പന കേസിലെ പ്രതിയായിരുന്നു. ആ സമയം മറ്റൊരു പോക്സോ കേസില് സ്നേഹ ജയിലിലായിരുന്നു.
