കണ്ണൂര്: വോട്ടെടുപ്പിന്റെ തലേദിവസം കണ്ണൂരില് അക്രമം. ധര്മ്മടം മണ്ഡലത്തിലെ മൈലുള്ളി മെട്ടയില് കോണ്ഗ്രസ് പ്രവര്ത്തകനെ സിപിഎം പ്രവര്ത്തകര് ആക്രമിച്ചതായി പരാതി. യുഡിഎഫ് ബൂത്ത് ഏജന്റായ കുഴിയില് പീടികയിലെ പ്രഭാകരനാണ് (70) പരിക്കേറ്റത്.
ബുധനാഴ്ച രാത്രി എഴുപതാം നമ്പര് ബൂത്തായ കീഴത്തൂര് യുപി സ്കൂള് സഹ പ്രവര്ത്തകനോടൊപ്പം സന്ദര്ശിച്ചു മടങ്ങുകയായിരുന്ന പ്രഭാകരനെ തലയ്ക്ക് മാരകായുധം കൊണ്ടു അടിച്ചു പരിക്കേല്പ്പിക്കുകയായിരുന്നു എന്നാണ് പരാതിയില് പറയുന്നത്.
ഇദ്ദേഹത്തെ തലശേരി ഇന്ദിരാഗാന്ധി സഹകരണ ആശുപത്രിയില് പ്രവേശിപ്പിച്ചു.
