അരൂര്: ആലപ്പുഴയിൽ നിന്നും പാലക്കാട്ടേക്ക് യാത്ര ചെയ്യുന്നതിനിടെ ട്രെയിനിൽ നിന്നും കായലിലേക്ക് ചാടി യുവാവ്.
രക്ഷകരായി മത്സ്യതൊഴിലാളികൾ. ആലപ്പുഴ-ചെന്നൈ എക്സ്പ്രസ് അരൂര്-കുമ്പളം പാലത്തില് എത്തിയപ്പോഴാണ് യുവാവ് കായലിലേക്ക് ചാടിയത്. പാലക്കാട് മണ്ണാർക്കാട് കുമരംപുത്തൂര് വളവനാട് ജാബിറാണ് ട്രെയിനിൽനിന്ന് കായലിൽ ചാടിയത്.
അടിയൊഴുക്കുള്ള കായലിൽ വീണ യുവാവ് ഒഴുക്കില്പെട്ടെങ്കിലും ഉള്നാടന് മത്സ്യത്തൊഴിലാളികള് നാട്ടിയ കുറ്റിയില് പിടിച്ചു. ഇതിനിടെ കായലില് മീൻ പിടിച്ചിരുന്ന തൊഴിലാളികളെത്തി രക്ഷപ്പെടുത്തി.
സുഹൃത്തിന്റെ സഹോദരിയുടെ വിവാഹത്തിന് ആലപ്പുഴയിലെത്തി മടങ്ങുകയായിരുന്നു. ട്രെയിനിൽനിന്ന് ചാടാനിടയായ സാഹചര്യം വ്യക്തമല്ല. കായലില് വലയിടുകയായിരുന്ന കുമ്പളങ്ങി പൂപ്പനക്കുന്ന് സ്വദേശികളായ വിനോദ് തോമസ്, ജോബി എന്നിവരാണ് വള്ളവുമായെത്തി രക്ഷപ്പെടുത്തിയത്.
