Kerala
ബിഷപ്പ് ഫ്രാങ്കോയെ വെറുതേ വിട്ട കോടതി വിധി; ജുഡീഷ്യറിയെ അവഹേളിക്കുന്ന പരാമര്‍ശങ്ങള്‍ നടത്തിയെന്ന പരാതിയിൻമേൽ എ.ഐ.ജി എസ്. ഹരിശങ്കറിന് നോട്ടീസ്; കോടതിയിൽ ഹാജരായി വിശദീകരണം നല്‍കണം
കോട്ടയം: കന്യാസ്ത്രീയെ പീഡിപ്പിച്ചെന്ന കേസില്‍ ബിഷപ് ഫ്രാങ്കോ മുളയ്ക്കലിനെ കുറ്റമുക്തനാക്കിയ വിധിയുമായി ബന്ധപ്പെട്ട് നടത്തിയ പരാമര്‍ശങ്ങളില്‍ എ.ഐ.ജി എസ്. ഹരിശങ്കറിന് നോട്ടീസ്.ഏറ്റുമാനൂര്‍ സ്വദേശി മജീഷ് കെ. മാത്യു നല്‍കിയ ഹർജിയിലാണ് കോട്ടയം അഡീഷനല്‍ ജില്ല സെഷന്‍സ് കോടതിയുടെ നടപടി.
ഏപ്രില്‍ ഒന്നിന് ഹാജരായി വിശദീകരണം നല്‍കണമെന്നാണ് കോടതി ഉത്തരവ്.വിചാരണക്കോടതിയുടെ വിധിക്കുപിന്നാലെ ബിഷപ് മുളയ്ക്കലിനെ കുറ്റമുക്തനാക്കിയത് ദൗര്‍ഭാഗ്യകരമാണെന്നും ഇന്ത്യന്‍ നീതിന്യായവ്യവസ്ഥയിലെ അത്ഭുതമാണെന്നും ഹരിശങ്കര്‍ പ്രതികരിച്ചിരുന്നു. ഈ പരാമര്‍ശങ്ങള്‍ ജുഡീഷ്യറിയെ അവഹേളിക്കുന്നതാണെന്ന് ചൂണ്ടിക്കാട്ടിയാണ് ഹർജി നല്‍കിയത്.
കോട്ടയം ജില്ല പൊലീസ് മേധാവിയായിരുന്ന ഹരിശങ്കറിന്‍റെ നേതൃത്വത്തിലാണ് കേസ് അന്വേഷിച്ചത് നേതൃത്വത്തിലാണ് കേസ് അന്വേഷിച്ചത്.