ന്യൂഡല്ഹി: കോക്രോച്ച് ജനത പാര്ട്ടിയുടെ പ്രതിഷേധത്തില് പങ്കെടുത്ത അധ്യാപികയെ സസ്പെന്ഡ് ചെയ്ത് ഹരിയാന വിദ്യാഭ്യാസ വകുപ്പ്. ന്യൂഡല്ഹിയിലെ ജന്തര് മന്ദിറില് നടന്ന പ്രതിഷേധത്തില് പങ്കെടുത്ത റോഹ്തക്ക് സര്ക്കാര് സ്കൂളിലെ ഗസ്റ്റ് അധ്യാപിക സുലേഖ ദലാലിനെയെയാണ് സര്വീസില് നിന്നും സസ്പെന്ഡ് ചെയ്തത്.
റോഹ്തക്ക് ഡിസ്ട്രിക്ട് എലിമെന്ററി എഡ്യൂക്കേഷന് ഓഫീസര് ജൂണ് 10നാണ് സസ്പെന്ഷന് ഉത്തരവ് പുറത്തിറക്കിയത്. ജൂണ് 8 മുതലാണ് അധ്യാപിക സുലേഖ ദലാലിനെ സസ്പെന്ഡ് ചെയ്തിരിക്കുന്നത്.
ബന്ധപ്പെട്ട അധികൃതരില് നിന്നും മുന്കൂട്ടി അനുവാദം വാങ്ങാതെയാണ് അധ്യാപിക ഓഫീസ് ആസ്ഥാനത്ത് നിന്നും പോയതെന്നാണ് ഉത്തരവില് ചൂണ്ടിക്കാട്ടുന്നത്. നടപടി സ്വീകരിക്കാനുണ്ടായ കാരണം പ്രത്യേകം ഉത്തരവില് പരാമര്ശിക്കുന്നുമില്ല.
