കൊച്ചി: നടി അന്സിബ ഹസനെതിരെ മാനനഷ്ടക്കേസ് നല്കുമെന്ന് നടി ലക്ഷ്മിപ്രിയ. അന്സിബ അടിസ്ഥാന രഹിതമായ കാര്യങ്ങള് പറഞ്ഞ് വിവാദം സൃഷ്ടിക്കുകയാണെന്നും ലക്ഷ്മിപ്രിയ മാധ്യമങ്ങളോട് പ്രതികരിച്ചു. ഇതിന് പിന്നില് കൃത്യമായ അജണ്ടയുണ്ടെന്നും ലക്ഷ്മിപ്രിയ ആരോപിച്ചു.
’10 കോടി രൂപ മാനനഷ്ടം ആവശ്യപ്പെട്ട് അന്സിബയ്ക്കെതിരെ അഡ്വ. കൃഷ്ണരാജ് മുഖേന കേസ് ഫയല് ചെയ്യും. അന്സിബ പറഞ്ഞ കാര്യങ്ങള് ഞാന് പറഞ്ഞിട്ടില്ല.
എന്റെ പ്രതിച്ഛായയെ ഇകഴ്ത്തുന്ന, എന്റെ സ്ത്രീത്വത്തെ അപമാനിക്കുന്ന രീതിയില് അന്സിബ സംസാരിച്ചു. 10 വയസുള്ള മകളെ അപമാനിക്കുന്ന തരത്തില് അധിക്ഷേപിച്ചു’, ലക്ഷ്മിപ്രിയ പറഞ്ഞു.
