Kerala
സുഹൃത്തിനെ പോലീസ് കസ്റ്റഡിയില്‍ എടുത്തത് അന്വേഷിക്കാന്‍ സ്റ്റേഷനില്‍ പോയ യുവാവ് പോക്‌സോ കേസില്‍ പ്രതിയായി
പൊന്നാനി :സുഹൃത്തിനെ പോലീസ് കസ്റ്റഡിയില്‍ എടുത്തത് അന്വേഷിക്കാന്‍ സ്റ്റേഷനില്‍ പോയ യുവാവ് പോക്‌സോ കേസില്‍ പ്രതിയായി. പെരിയമ്പലം ചേലാട്ട് മണികണ്ഠന്‍ (19) ആണ് അറസ്റ്റിലായത്. സുഹൃത്തിന്റെ അറസ്റ്റ് അന്വേഷിക്കാന്‍ ബൈക്കില്‍ വന്ന മണികണ്ഠനെ ഹെല്‍മെറ്റ് ഇല്ലാത്തതിനാല്‍ പോലീസ് അകത്തേക്ക് വിളിച്ച് ചോദ്യംചെയ്തു.
സുഹൃത്ത് വിവിധ കേസുകളില്‍ ഉള്ളതിനാല്‍ മണികണ്ഠന്റെ ഫോണ്‍ പോലീസ് പരിശോധിച്ചു. ഇതിനിടയിലാണ് ഫോണില്‍ പ്രായപൂര്‍ത്തിയാകാത്ത പെണ്‍കുട്ടിയുമായുള്ള അശ്ലീലവീഡിയോയും ചിത്രങ്ങളും കണ്ടെത്തിയത്. തുടര്‍ന്ന് പോക്‌സോ നിയമപ്രകാരം അറസ്റ്റ് ചെയ്യുകയായിരുന്നു. പ്രതിയെ കോടതി റിമാന്‍ഡ് ചെയ്തു.