പത്തനംതിട്ട: ക്രോയിപ്രത്ത് യുവാക്കളെ കെട്ടിയിട്ട് ദമ്പതികള് ക്രൂരമായി മര്ദ്ദിച്ച കേസില് പ്രതി രശ്മിയുടെ ഫോണില് നിന്ന് ലഭിച്ച വിഡിയോകള് സിനിമ രംഗങ്ങളെ വെല്ലുന്ന തരത്തിലുള്ളതെന്ന് പൊലീസ്.
മനസ്സിനെ മരവിപ്പിക്കുന്ന 10 മര്ദന വിഡിയോകളാണ് ഫോണില് നിന്നു ലഭിച്ചതെന്നും പൊലീസ് പറയുന്നു.
അതേസമയം രശ്മിയുടെ ഭര്ത്താവ് ജയേഷിന്റെ ഫോണില് ചിത്രീകരിച്ച മര്ദന ദൃശ്യങ്ങള് ഇതുവരെ ലഭിച്ചിട്ടില്ല. പാസ്വേഡ് ഉപയോഗിച്ച് ഇതു സൂക്ഷിച്ചിരിക്കുകയാണ്. പാസ്വേഡ് വെളിപ്പെടുത്താന് ജയേഷ് തയാറാകാത്തതിനാല് സൈബര് പൊലീസിന്റെ സഹായം തേടിയിട്ടുണ്ട്.
രശ്മി അന്വേഷണമായി സഹകരിക്കുമ്പോഴും ജയേഷ് ചോദ്യങ്ങളില് നിന്ന് ഒഴിഞ്ഞുമാറുകയാണെന്നും രശ്മിയുമായി ബന്ധമുണ്ടെന്ന ആരോപണം യുവാക്കള് നിഷേധിച്ചതായും പൊലീസ് പറഞ്ഞു.
