സംസ്ഥാനത്ത് ഭരണവിരുദ്ധ വികാരം ഉണ്ടെന്നും, അത് തിരഞ്ഞെടുപ്പ് തോല്വിക്കുള്ള പ്രധാന ഘടകമായിട്ടുണ്ടെന്നുമാണ് സിപിഐഎം വിലയിരുത്തല്. ജനക്ഷേമ നടപടികള് ജനങ്ങളിലേക്ക് എത്തിയിട്ടില്ല. ക്ഷേമ പ്രവര്ത്തനങ്ങള് മുടങ്ങിയത് തോല്വിയുടെ ആക്കം കൂട്ടിയെന്നും വിലയിരുത്തലുണ്ട്. ക്ഷേമ പെന്ഷന് അടക്കം മുടങ്ങിയത് ജനങ്ങള്ക്കിടയില് അവമതിപ്പുണ്ടാക്കി.
ക്ഷേമപ്രവര്ത്തനങ്ങള് മുടങ്ങാന് കാരണം കേന്ദ്രസര്ക്കാരാണെന്ന് ജനങ്ങളെ ബോധ്യപ്പെടുത്താന് സര്ക്കാരിന് കഴിഞ്ഞില്ല. വിഷയം ജനങ്ങളിലേക്ക് എത്തിക്കുന്നതിലും പരാജയപ്പെട്ടു. സംസ്ഥാന സെക്രട്ടറി, കമ്മിറ്റിയില് അവതരിപ്പിച്ച റിപ്പോര്ട്ടിലാണ് സര്ക്കാര് പ്രവര്ത്തനങ്ങളിലെ വീഴ്ച ചൂണ്ടിക്കാട്ടുന്നത്. കനത്ത തോല്വിക്ക് കാരണം ഭരണ വിരുദ്ധ വികാരമെന്ന വിമര്ശനമുണ്ടെന്ന് യെച്ചൂരിയും പറഞ്ഞു.
