പാലാ :നമ്മുടെ കേരളത്തിൽ ആർത്തവ ശുചിത്വ ദിനം ആചരിക്കുന്നത് തന്നെ സ്ത്രീ സ്വാതന്ത്ര്യ ത്തിന്റെ വ്യക്തമായ രൂപ രേഖയെന്ന് ചാണ്ടി ഉമ്മൻ എം എൽ എ അഭിപ്രായപ്പെട്ടു .വിസിബ് സ്വാശ്രയ സംഘം ;കെയർ ആൻഡ് സെയ്ഫ് അഗ്നിവേദിക് സംഘടനകളുടെ ആഭിമുഖ്യത്തിൽ ലോക ആർത്തവ ദിനാചരണം പാലാ ടൗൺഹാളിൽ ഉദ്ഘാടനം ചെയ്തു സംസാരിക്കുകയായിരുന്നു ചാണ്ടി ഉമ്മൻ .
സതി അനുഷ്ഠിച്ചിരുന്നു നാട്ടിൽ രാജാറാം മോഹൻറായി അനീതിക്കെതിരെ സമരം ചെയ്തു അത് ഇല്ലാതാക്കി .ഇന്ന് ആ കാലഘട്ടത്തിൽ നിന്നും സ്ത്രീ വിമോചിതയായെന്നുള്ളതിന്റെ അവസാന പടിയാണ് ആർത്തവ ശുചിത്വ ദിനാചരണത്തിലൂടെ ഇപ്പോൾ കേരളവും പാലായും നൽകുന്ന പാഠം എന്ന് ചാണ്ടി ഉമ്മൻ ചൂണ്ടിക്കാട്ടി .
ആർത്തവം ഇല്ലെങ്കിൽ മനുഷ്യരാശി ഭൂമിയിൽ ഉണ്ടാവുമായിരുന്നില്ല .അജ്ഞത മൂലം ഇന്ന് ഗർഭാശയ കാൻസർ വളർന്നു കൊണ്ടിരിക്കയാണ് .വിസിബ് നടത്തുന്ന ഇത്തരം പ്രോഗ്രാമിലൂടെ സ്ത്രീ സമൂഹത്തിന് അജ്ഞതയിൽ നിന്നും ഉണരുവാനും ആരോഗ്യകരമായ കുടുംബ ജീവിതം നയിക്കുവാനും കഴിയട്ടെയെന്ന് ചാണ്ടി ഉമ്മൻ ആശംസിച്ചു .
കടനാട് പഞ്ചായത്ത് പ്രസിഡണ്ട് ലാലി സണ്ണി അധ്യക്ഷം വഹിച്ച യോഗത്തിൽ കെ സി തങ്കച്ചൻ സ്വാഗതം ആശംസിച്ച യോഗത്തിൽ ഡോക്ടർ ശങ്കർ അയ്യർ ആമുഖ പ്രസംഗം നടത്തി .ബിജി ജോജോ ;ഡോക്ടർ റോണി വിൽഫ്രഡ് ;ഡോക്ടർ വീണ ജിബിൻ ;സുരേഷ് ടി ;ഷിജു ടി കെ ;സാനു അനീഷ് എന്നിവർ പ്രസംഗിച്ചു .
തങ്കച്ചൻ പാലാ
കോട്ടയം മീഡിയാ
