ആലപ്പുഴ: ചെങ്ങന്നൂരിലെ എബിവിപി പ്രവര്ത്തകനായിരുന്ന വിശാല് വധക്കേസില് മുഴുവന് പ്രതികളെയും വെറുതെവിട്ടു. മാവേലിക്കര അഡീഷണല് സെഷന്സ് കോടതിയാണ് വിധി പറഞ്ഞത്. പ്രതികളില് ഒരാള്ക്ക് പ്രായപൂര്ത്തിയായിട്ടില്ല. 13 വര്ഷങ്ങള്ക്കുശേഷമാണ് വിധി. ക്യാമ്പസ് ഫ്രണ്ട് പ്രവര്ത്തകരായിരുന്ന 20 പേരാണ് കേസിലെ പ്രതികള്.
കുറ്റം തെളിയിക്കാനായില്ലെന്ന് കണ്ടെത്തിയാണ് പ്രതികളെ കോടതി വെറുതെ വിട്ടത്. വിധിക്കെതിരെ ഹൈക്കോടതിയില് അപ്പീല് പോകും. കോന്നി എന്എസ്എസ് കോളേജിലെ ഒന്നാം വര്ഷ ബിരുദ വിദ്യാര്ത്ഥിയായിരുന്ന വിശാലിന് 2012 ജൂലൈ പതിനാറിനാണ് കുത്തേറ്റത്. ഗുരുതരമായി പരിക്കേറ്റ് ചികിത്സയിലിരിക്കെ ജൂലൈ 17 ന് മരിച്ചു.
