തിരുവനന്തപുരം: ഛത്തീസ്ഗഡില് മലയാളി കന്യാസ്ത്രീകളുടെ അറസ്റ്റില് ബിഷപ്പുമാര്ക്കെതിരെ രൂക്ഷവിമര്ശനവുമായി മന്ത്രി വി ശിവന്കുട്ടി.
രണ്ട് കന്യാസ്ത്രീകളെ അറസ്റ്റ് ചെയ്തിട്ടും ഒരു തിരുമേനിയും പ്രതിഷേധിക്കാത്തത് എന്തുകൊണ്ടാണെന്ന് മന്ത്രി ചോദിച്ചു. ദീപികയില് എഡിറ്റോറിയല് എഴുതി അരമനയില്ക്കയറി ഒതുങ്ങിയിരുന്ന് പ്രാര്ത്ഥിച്ചാല് പ്രശ്നത്തിന് പരിഹാരമാകുമോയെന്നും മന്ത്രി ചോദിച്ചു. എല്ലാ തിരുമേനിമാര്ക്കും അവരുടെ സ്ഥാനമുറപ്പിക്കലാണ് പ്രധാനമെന്നും മന്ത്രി പറഞ്ഞു.
‘അരമനയില് ഒതുങ്ങിയിരുന്ന് പ്രാര്ത്ഥിച്ചാല് പ്രശ്നത്തിന് പരിഹാരമാകുമോ. രാജ്യത്താകെ മുസ്ലിങ്ങളെ ക്രിസത്യാനികളെയും മറ്റുമതത്തില്പ്പെട്ടവരെയും പൂര്ണ്ണമായും നീക്കം ചെയ്യാനുള്ള എല്ലാ നടപടികളും കേന്ദ്രസര്ക്കാര് ചെയ്തുകൊണ്ടിരിക്കുകയല്ലേ. പ്രധാനമന്ത്രിമാരോട് പരാതി പറയാനുള്ള ധൈര്യം പോലും തിരുമേനിമാര് കാണിക്കുന്നില്ലല്ലോ. സകലമാന നിയമങ്ങളും ഭരണഘടനയില് പറയുന്ന കാര്യങ്ങളും കാറ്റില്പറത്തിക്കൊണ്ടാണല്ലോ ബജ്റംഗ്ദള് പിന്തുണയോടെ കന്യാസ്ത്രീകളെ അറസ്റ്റ് ചെയ്തുകൊണ്ടുപോയത്’, വി ശിവന്കുട്ടി പറഞ്ഞു.
