സിനിമയിലെ സൂപ്പര്സ്റ്റാറില് നിന്ന് ടിവികെ അധ്യക്ഷനായി വളര്ന്ന വിജയ്യുടെ ആദ്യ തിരഞ്ഞെടുപ്പ് പര്യടനത്തിന് തുടക്കം.
രാവിലെ 9:30 ക്ക് തിരുച്ചിറപ്പള്ളി വിമത്താവളത്തില് എത്തിയ വിജയ്ക്ക് ഇതുവരെ മരക്കടൈയിലെ പ്രസംഗ വേദിയില് എത്താന് ആയിട്ടില്ല.റോഡിന് ഇരുവശവും ജനങ്ങള് വിജയ്യെ കാണാന് തിങ്ങിനിറഞ്ഞു നില്ക്കുകയാണ്.
നൂതന ക്യാമറകള്, ലൗഡ്സ്പീക്കറുകള്, ആളുകള് അനധികൃതമായി നുഴഞ്ഞുകയറുന്നത് തടയാന് ഇരുമ്പ് റെയിലിംഗുകള് എന്നിവ ഘടിപ്പിച്ച ഏറെ പ്രത്യേകതകളുള്ള പ്രചാരണ ബസിലാണ് വിജയ് സഞ്ചരിക്കുന്നത്.
അതേസമയം വിജയ്യെ കാണാന് മണിക്കൂറുകളായി കെട്ടിടത്തിന് മുകളില് കാത്തു നിന്ന യുവാവ് കുഴഞ്ഞുവീണു. ഇയാളെ ആശുപത്രിയിലേക്ക് മാറ്റി.
