തിരുവനന്തപുരം: കോര്പ്പറേഷനിലെ സംഘര്ഷത്തില് മേയര് വി വി രാജേഷ്, മുന് മന്ത്രിമാരായ വി ശിവന്കുട്ടി, കടകംപള്ളി സുരേന്ദ്രന് തുടങ്ങിയവര്ക്കെതിരെ കേസ്.
സിപിഐഎമ്മിന്റെ പരാതിയിലാണ് മേയര്ക്കും ഡെപ്യൂട്ടി മേയര്ക്കും എതിരെ കേസെടുത്തിരിക്കുന്നത്. ശിവന്കുട്ടിക്കും കടകംപള്ളി സുരേന്ദ്രനും എതിരെ പൊലീസ് സ്വമേധയാ ആണ് കേസെടുത്തത്. നാല് കേസുകളാണ് സംഭവത്തില് മ്യൂസിയം പൊലീസ് രജിസ്റ്റര് ചെയ്തിരിക്കുന്നത്.
ദേഹോപദ്രവം ഏല്പ്പിക്കല് അടക്കമുള്ള വകുപ്പുകള് ചുമത്തിയാണ് കേസ്. മേയര് എല്ഡിഎഫ് കൗണ്സിലര്മാരെ അസഭ്യം പറഞ്ഞെന്നും മര്ദിച്ചെന്നും എഫ്ഐആറില് ഉണ്ട്.
എല്ഡിഎഫ് കൗണ്സിലര് എസ് പി ദീപക് ബിജെപി കൗണ്സിലറെ ചവിട്ടിയെന്നും എഫ്ഐആറില് പറയുന്നു.
