ഹൈദരാബാദ്: തെലങ്കാനയിലെ സംഗറെഡ്ഡി ജില്ലയിലെ കെമിക്കൽ ഫാക്ടറിയിൽ റിയാക്ടർ പൊട്ടിത്തെറിച്ച് 10 തൊഴിലാളികൾ മരിച്ചു,
നിരവധി പേർക്ക് പരിക്കേൽക്കുകയും ചെയ്തു. സ്ഫോടനത്തെ തുടർന്ന് നിരവധി തൊഴിലാളികൾ ഫാക്ടറിക്കുള്ളിൽ കുടുങ്ങിക്കിടക്കുന്നതായും വാർത്തകൾ പുറത്ത് വരുന്നുണ്ട്. സ്ഫോടനത്തിൽ തൊഴിലാളികൾ 100 മീറ്റർ വരെ ദൂരേക്ക് തെറിച്ച്പോയി.
പശമിലാറമിലെ സിഗാച്ചി കെമിക്കൽ ഇൻഡസ്ട്രിയിലെ റിയാക്ടർ സ്ഫോടനത്തെ തുടർന്നാണ് തീപിടുത്തമുണ്ടായത്. തീ പടരുന്നത് തുടരുന്നതിനിടെ സമീപത്തുള്ള ടെന്റുകളിൽ പലരും കുടുങ്ങി.
സംഭവസ്ഥലത്ത് 11 ഫയർ എഞ്ചിനുകൾ വിന്യസിച്ചിട്ടുണ്ടെന്നും അഗ്നിശമന പ്രവർത്തനങ്ങൾ പുരോഗമിക്കുകയാണെന്നും റിപ്പോർട്ടുകൾ പറയുന്നു.
